Sab Se Tera Karam Ghaneemat Hai Jo Guzar Jaye Dum Ghaneemat Hai

Sab Se Tera Karam Ghaneemat Hai
Jo Guzar Jaye Dum Ghaneemat Hai

Aap Subah e Bahar Le Jaein
Mujh Ko Shaam e Alam Ghaneemat Hai

Khuwahishon Ki Paristashein Touba
Aadmi Ka Bharam Ghaneemat Hai

Itni Dushwar Tou Nahi Manzil
Zulf e Janaan Ka Kham Ghaneemat Hai

Is Taqadus Ke Qahat Mein Yaaro
Unka Naqsh e Qadam Ghaneemat Hai

Talkhi e Kaaenaat Hai Dil Mein
Jaam Mein Hi Sitam Ghaneemat Hai

Shabnami Shabnami Fizaoun Mein
Daolat e Chasham e Nam Ghaneemat Hai

 
Poet:Saghar Siddiqui
Kulyat e Saghar
Page No 239