Woh Bulaein Tou Kia Tamasha Ho Hum Na Jaein Tou Kia Tamasha Ho

Woh Bulaein Tou Kia Tamasha Ho
Hum Na Jaein Tou Kia Tamasha Ho

Yeh Kinaron Se Khailny Wale
Doob Jaein Tou Kia Tamasha Ho

Bandah Parwar Jo Hum Peh Guzri Hai
Hum Bataein Tou Kia Tamasha Ho

Aaj Hum Bhi Teri Wafaoun Par
Muskuraein Tou Kia Tamasha Ho

Teri Soorat Jo Itefaq Se Hum
Bhool Jaein Tou Kia Tamasha Ho

Waqt Ki Chand Sa'atein SAGHAR
Laot Aaein Tou Kia Tamasha Ho

 
Poet:Saghar Siddiqui
Kulyat e Saghar
Page No 249