کیا کرے میری مسیحائی بھی کرنے والا
زخم ہی یہ مجھے لگتا نہیں بھرنے والا
Kia Kare Meri Maseehaai Bhi Karne Wala
Zakham Hi Yeh Mujhe Lagta Nahi Bharne Wala
زندگی سے کسی سمجھوتے کے باوصف اب تک
یاد آتا ہے کوئی مارنے، مرنے والا
Zindagi Se Kisi Samjhoty Ke Bawasaf Ab Tak
Yaad Aata Hai Koi Marne , Marne Wala
اُس کو بھی ہم تیرے کُوچے میں گزار آئے ہیں
زندگی میں وہ جو لمحہ تھا سنورنے والا
Usko Bhi Hum Tere Koochay Mein Guzar Aaye Hein
Zindagi Mein Woh Jo Lamha Tha Sanwarne Wala
اُس کا انداز سُخن سب سے جُدا تھا شاید
بات لگتی ہوئی، لہجہ وہ مُکرنے والا
Uska Andaz Sukhan Sab Se Juda Tha Shayed
Baat Lagti Hoi , Lehja Woh Mukarne Wala
شام ہونے کو ہے اورآنکھ میں اِک خواب نہیں
کوئی اِس گھر میں نہیں روشنی کرنے والا
Shaam Hone Ko Hai Aur Aankh Mein Ik Khuwaab Nahi
Koi Is Ghar Mein Nahi Roshni Karne Wala
دسترس میں ہیں عناصر کے ارادے کس کے
سو بِکھر کے ہی رہا کوئی بکھرنے والا
Dastras Mein Hein Anasir Ke Iraday Kis Ke
So Bikhar Ke Hi Raha Koi Bikharne Wala
اِسی اُمّید پہ ہر شام بُجھائے ہیں چراغ
ایک تارا ہے سرِ بام اُبھرنے والا
Isi Umeed Peh Har Shaam Bujhaye Hein Charagh
Aik Tara Hai Sar e Baam Ubharne Wala
پروین شاکر
Parveen Shakir
No comments:
Post a Comment