Urdu Bolan Wale Munday Tuun Kiah Janein

اُردو بولن والے منڈے
تُوں کیہ جانیں
Urdu Bolan Wale Munday
Tuun Kiah Janein
وارث شاہ دی ہیر کہانی
بُلھےشاہ دے پَیر دے گھنگرو
شاہ حسین دی سُچل کافی
آدم زاد دی پہلی معافی
Waris Shah Di Heer Kahani
Bullhay Shah Dy Pair Dy Ghunghro
Shah Husain Di Sachal Kafi
Aadam Zaad Di Pehli Mua'afi
اُردو بولن والے  منڈے
تُوں کیہ جانیں
Urdu Bolan Wale Munday
Tuun Kiah Janein
چلدے کُھوہ دیاں وگدیاں ٹِنڈاں
کھیتاں وچ کھلوتے بنّے
اَوس فجر دی
بانگ ڈِگر دی
Chalday Kahvah Diyan Wagdian Tandan
Khaitan Wich Khloty Bannay
Aos Fajar Di
Bang Dagar Di
اردو بولن والے منڈیے
تُوں کیہ جانیں
Urdu Bolan Wale Munday
Tuun Kiah Janein
بَگی اکھ دا کالا سُرمہ
صندل بانہہ وچ نچدا کنگن
نک دی نتھلی
سُر وچ وجدی پیار دی ونجھلی
Bagi Akh Da Kala Surmah
Sandal Banh Wich Nachda Kangan
Nak Di Nathli
Sur Wich Wajdi Piyar Di Wanjhli
اردو بولن والے منڈے
توں کیہ جانیں
Urdu Bolan Wale Munday
Tuun Kiah Janein
فجراں دے وچ رِڑکی لسّی
لسّی دے وچ تَردا مکھن
شِکر دوپہرے بھخدی روٹی
امب دی پھاڑی
وچ تندور دے بُھنیا بینگن
گُڑ گُڑ کردا شام دا حُقہ
ویہڑے دے وچ گِڑدا نلکا
ہجر وچھوڑے کَتدا چرخا
Fajran Dy Wich Redki Lassi
Lassi Dy Wich Tarda Makhan
Shakar Dopehar Bhakhdi Roti
Amb Di Phadi
Wich Tandoor Dy Bhuniya Bangan
Gad Gad Kar Da Sham Da Huqah
Wheday Dy Wich Gidda Nalka
Hijar Wechodey Katda Charkha
اردو بولن والے منڈیے
توں کیہ جانیں
Urdu Bolan Wale Munday
Tuun Kiah Janein
کلام: صغیر تبسم