آنکھ موندی ہے نہ مدت ہوئی دیکھا سو کے
خواب زاروں میں میسر تھے مسلسل دھوکے
اس کو دانستہ کیا خود پہ مسلط میں نے
اب شکایت کہ مجھے جھڑکے ، ستائے ، ٹوکے ؟
تُو بھی ، لوگوں نے بتایا کہ نہیں افسردہ
ہم بھی خوش باش جیٸے جھوٹی رفاقت کھو کے
کون دیوار اٹھائے گا مرے رستے میں
کس کی جرات ہے کہ دریا کا بہاٶ روکے
تم نے توڑا ہے ، مرے ٹکڑے نہیں پھینکے ہیں
میں دکھاٶں گی تمہیں پھر سے مکمل ہو کے
کومل جوئیہ
No comments:
Post a Comment