Nikalna khuld* se aadam ka sunte aaye hain lekin bahut be-abru ho kar tere kuche se ham nikle

REMEMBERING MIRZA GHALIB ON HIS BIRTH ANNIVERSARY
(some favorite couplets)
Nikalna khuld* se aadam ka sunte aaye hain lekin
bahut be-abru ho kar tere kuche se ham nikle
magar likhvae koi us ko khat to ham se likhvae
hui subah aur ghar se kaan par rakh kar qalam nikle
(* paradise)
--------
Koi mere dil se puchhe tere teer-e-nim-kash* ko
ye khalish kahan se hoti jo jigar ke paar hota
Kahun kis se mai ki kya hai shab-e-gham buri bala hai
mujhe kya bura tha marna agar ek baar hota
*(an arrow that would be only partly through its target)
-------
Mat puchh ki kya haal hai mera tere pichhe
tu dekh ki kya rang hai tera mere aage
-------
Dard minnat-kash-e-dava* na hua
main na achchha hua bura na hua
kitne shireen** hain tere lab ki raqeeb
galiyan kha ke be-maza na hua
hai khabar garm un ke aane ki
aaj hi ghar mein boriya*** na hua
(* pain wasn't obliged to respond to medicine
** sweet/pleasant
*** rug)