Waqt Padne Peh Mujhe Chodh Ke Jane Wale Rok Aansoo Yeh Meri Aankh Mein Aane Wale
وقت پڑنے پے مجھے چھوڑ کے جانے والے
روک آنسو یہ مری آنکھ میں آنے والے
ہم ترے دل سے بھلا کیسے اتر سکتے تھے
ہم تھے ہر وقت تری آنکھ میں بھانے والے
تیری ترکش میں کئی اور بچے ہیں اب بھی
ہاتھ کیوں روک لئے تیر چلانے والے
کان دھرتا نہیں کیوں بات پہ میری اب تو
ایک ہم تم ہی تھے بس سُننے سُنانے والے
جُنبشِ ہاتھ بتاتی ہے نہیں دَم اِن میں
اپنی مرضی سے مری ڈور ہلانے والے
ڈھونڈنے پر بھی نہیں ملتے وہ عاشق سچے
کوزہِ عشق میں طوفان اٹھانے والے
گرچہ اچھے ہیں نئے، بات کھری ہے یہ سہیل
سب سے اوپر ہیں مرے یار پرانے والے
خرم سہیل
Khurram Suhail
Comments
Post a Comment