Main samajh raha hoon teri kasak, tera mera dard hai mushtarik
Usi gham ka tu bhi aseer hai usi dukh ka main bhi shikar tha
Faqat aik dhun thi ke rat din usi khwab zaar mein gum rahen
Wo suroor aisa suroor tha wo khumar aisa khumar tha
Kabhi lamha bher ki bhi guftugu meri us ke sath na ho saki
Mujhe fursaten nahi mil sakeen, wo hawa ke rath pe sawar tha
Hum ajeeb tarz ke loag thay ke hamare aur hi roag thay
Main khizan mein us ka tha muntazir, usay intizar e bahar tha
Usay padh ke tum na samajh sake ke meri kitab ke roop mein
Koi qarz tha kaiy sal ka kaiy ratjagon ka udhaar tha
Aitbar Sajid
No comments:
Post a Comment