Mannat Mani Jaye ? Ya Ta'aveez Pilaya Ja Sakta Hai ? Rabba ! Mere Sir Se Kaise Ishq Ka Saya Ja Sakta Hai ?

Mannat Mani Jaye ? Ya Ta'aveez Pilaya Ja Sakta Hai ?

Rabba ! Mere Sir Se Kaise Ishq Ka Saya Ja Sakta Hai ?

 

Main Tou Piyar Mein Dav Se Pehle Bhi Itna Janta Tha Keh

Is Bazi Mein Sare Ka Sara Sarmaya Ja Sakta Hai

 

Sun Ae Pagli Dunya Mein Izat Se Barh Kar Kuch Nahi Hota

Lekin Teri Khatar Tou Yeh Sab Thukraya Ja Sakta Hai

 

Main Adam Ka Beta Hon Aur Tum Hawwa Ki Beti Ho

Daikhte Hein Keh Aaj Bhi Koi Kia Behkaya Ja Sakta Hai?

 

Hont Se Hont Mila Kar Phoonko, Hum Se Be-Nabzo Ki

Sansein Jari Ho Sakti Hein , Dil Dhadkaya Ja Sakta Hai

 

Mere Ishq Ke Jin Chadtay Hein Usko , Tou Woh Kehti Hai

Haan Mujh Ko Tadpaao Jitna Bhi Tadpaaya Ja Sakta Hai

 

Daikho Dil Dene Ke Qabil Tum Mat Samjho Par Kam Az Kam

Is Qabil Tou Hon Keh Mujh Se Dil Behlaya Ja Sakta Hai

 

Ab Tum Mere Kam Aaye Tou , Agli Bar Main Kam Aaonga

Piyar Ke Khel Mein Ik Dojay Ka Haath Bataya Ja Sakta Hai

 

Fitwa Do Keh Jo Barson Se Bichday Yar Ko Roti Ho

Aisi Aidat Ke Bare Mein Kia Farmaya Ja Sakta Hai

 

Babo ! Yeh Hai Piyar , Yeh Koi Aam Nikah See Cheez Nahi

Keh Ik Toota Tou Us Par Ik Aur Parhaya Ja Sakta Hai