Us ko juda huay bhi zamana bohat hua Ab kia kahen, ye qissa purana bohat hua

اس کو جدا ہوئے بھی زمانہ بہت ہوا
اب کیا کہیں یہ قصہ پرانا بہت ہوا
Us ko juda huay bhi zamana bohat hua
Ab kia kahen, ye qissa purana bohat hua

 
ڈھلتی نہ تھی کسی بھی جتن سے شب فراق
اے مرگ ناگہاں ترا آنا بہت ہوا
Dhalti na thi kisi bhi jatan se shab e firaq
Ay marg e nagihan tera ana bohat hua

 
ہم خلد سے نکل تو گئے ہیں پر اے خدا
اتنے سے واقعے کا فسانہ بہت ہوا
Ham khuld se nikal to gaye hain par ay Khuda
Itne se waqaye ka fasana bohat hua

 
اب ہم ہیں اور سارے زمانے کی دشمنی
اس سے ذرا سا ربط بڑھانا بہت ہوا
Ab hum hain aur sare zamane ki dushmani
Us se zara sa rabt barhana bohat hua

 
اب کیوں نہ زندگی پہ محبت کو وار دیں
اس عاشقی میں جان سے جانا بہت ہوا
Ab kyun na zindagi pe mohabbat ko var den
Is ashiqi mein jan se jana bohat hua

 
اب تک تو دل کا دل سے تعارف نہ ہو سکا
مانا کہ اس سے ملنا ملانا بہت ہوا
Ab tak to dil ka dil se taruf na ho saka
Mana ke us se milna milana bohat hua

 
کیا کیا نہ ہم خراب ہوئے ہیں مگر یہ دل
اے یاد یار تیرا ٹھکانہ بہت ہوا
Kia kia na hum kharab huay hain magar ye dil
Ay yad e yar tera thikana bohat hua

 
کہتا تھا ناصحوں سے، مرے منہ نہ آئیو
پھر کیا تھا ایک ہو کا بہانہ بہت ہوا
Kehta tha nasihon se, mere munh na aaiyo
Phir kia tha aik hu ka bahana bohat hua

 
لو پھر ترے لبوں پہ اسی بیوفا کا ذکر
احمد فرازؔ تجھ سے کہا نا، بہت ہوا
Lo phir tere labon pe usi bewafa ka zikr
Ahmed Fraaz, tujh se kaha na, bohat hua

 
احمد فرازؔ
Ahmed Faraz