Zindagi Ka Dard Le Kar Inqilab Aaya Tou Kia Aik Dosheeza Peh Ghurbat Mein Shabab Aaya Tou Kia

زندگی کا درد لے کر انقلاب آیا تو کیا
ایک دوشیزہ پہ غربت میں شباب آیا تو کیا

تشنۂ انوار ہے اب تک عروسِ زندگی
بادلوں کی پالکی میں آفتاب آیا تو کیا

اب تو آنکھوں میں غمِ ہستی کے پردے پڑ گئے
اب کوئی حسنِ مجسم بے نقاب آیا تو کیا

پھر وہی جہدِ مسلسل، پھر وہی فکر معاش
منزل جاناں سے کوئی کامیاب آیا تو کیا

اک تجلی سے منور کیجیے قصرِ حیات
ہر تجلی پر دلِ خانہ خراب آیا تو کیا

بات جب ہے، غم کے ماروں کو جلا دے اے شکیل
تو یہ زندہ میتیں مٹی میں داب آیا تو کیا
شکیل بدایونی