Agarche zor hawaon ne daal rakha hai Magar chiragh ne lau ko sambhaal rakha hai

اگرچہ زور ہواؤں نے ڈال رکھا ہے
مگر چراغ نے لو کو سنبھال رکھا ہے
Agarche zor hawaon ne daal rakha hai
Magar chiragh ne lau ko sambhaal rakha hai

 
محبتوں میں تو ملنا ہے یا اجڑ جانا
مزاج عشق میں کب اعتدال رکھا ہے
Muhabbaton mein to milna hai ya ujar jana
Mizaj e ishq mein kab etidal rakha hai

 
ہوا میں نشہ ہی نشہ، فضا میں رنگ ہی رنگ
یہ کس نے پیراہن اپنا اچھال رکھا ہے
Hawa mein nasha hi nasha, fiza mein rang hi rang
Ye kis ne pairahin apna uchhaal rakha hai

 
بھلے دنوں کا بھروسہ ہی کیا، رہیں نہ رہیں
سو میں نے رشتۂ غم کو بحال رکھا ہے
Bhale dinon ka bharosa hi kia, rahen na rahen
So main ne rishta e gham ko bahal rakha hai

 
ہم ایسے سادہ دلوں کو وہ دوست ہو کہ خدا
سبھی نے وعدۂ فردا پہ ٹال رکھا ہے
Hum aise sada dilon ko wo dost ho ke Khuda
Sabhi ne wada e farda pe taal rakha hai

 
فرازؔ عشق کی دنیا تو خوبصورت تھی
یہ کس نے فتنۂ ہجر و وصال رکھا ہے
Faraz ishq ki duniya to khoobsurat thi
Ye kis ne fitna e hijr o wisal rakha hai