Beqarary Mein Bhi Qarar Raha Jab Talak Piyar Ka Khumar Raha

بیقراری میں بھی قرار رہا
جب تلک پیار کا خمار رہا
Beqarary Mein Bhi Qarar Raha
Jab Talak Piyar Ka Khumar Raha
اس کے جانے سے جانے کیوں میرے
دل کا موسم بھی سوگوار رہا

وہ بھی خوش تھا کسی کے ساتھ یہاں
موڈ میرا بھی خوشگوار رہا

غم مجھے چھو کے بھی نہیں گزرا
جب سے تو میرا غمگسار رہا

جان چھوٹی نہیں مری ِاس سے
یہ جنوں سر پہ ہی سوار رہا

تم نہیں میں جو ہر کسی کا رہوں
میں فقط تیرا جاں نثار رہا

اک تعلق جو بارہا ٹوٹا
رابطہ اس سے بار بار رہا

سوگواری ہے تیرے جانے سے
چاند چہرہ بھی اشکبار رہا

یوں تو مجھ پر کئی مٹے لیکن
دل فقط تیرا خواستگار رہا

مجھ سے یہ منہ چھپائے پھرتی ہے
زندگی پر مرا ادھار رہا

عمر بھر جو نہیں ملا دل سے
عمر بھر اس کا انتظار رہا

ہجر گر جان لیوا ہے پھر کیوں
مجھ کو دو چار دن بخار رہا

ہم بھی خوش باش تھے کبھی اشنال
جب تلک دوستوں کا پیار رہا
اشنال سید
Ashnal Syed