Gham Ke Har Ik Rang Se Mujh Ko Shanasa Kar Gaya Woh Mera Muhsin Mujhe Pathar Se Heera Kar Gaya

مقبول و معروف شاعر جنہوں نے عوامی تجربات کو آواز دی، نظم نگار، اردو کے جدید شعراء میں شامل اور ممتاز و معروف شاعر عدیمؔ ہاشمی صاحب  کا یومِ ولادت
نام فصیح الدین اور تخلص عدیمؔ ہے۔
یکم؍اگست 1946ء کو فیروزپور (بھارت) میں پیدا ہوئے۔ فیصل آباد میں نشوونما ہوئی۔ 1970ء میں لاہور چلے گئے۔ ان کا کلام ادبی جریدوں میں باقاعدگی سے چھپنے لگا۔ اس دوران انھوں نے ریڈیو اورٹی وی کے لیے گیت لکھے۔ بعدازاں وہ راول پنڈی منتقل ہوگئے۔ 2001ء میں اپنے عزیز اور ممتاز شاعر افتخار نسیمؔ کے پاس امریکہ چلے گئے۔ وہ طویل عرصے سے عارضہ قلب میں مبتلا تھے۔ ان کا بائی پاس آپریشن ہوچکا تھا۔
05؍نومبر 2001ء کو شکاگو، امریکہ میں انتقال کرگئے اور وہیں سپردخاک کردیے گئے۔
ان کی تصانیف کے چند نام یہ ہیں
ترکش‘، ’مکالمہ‘، ’چہرہ تمہارا یاد رہتا ہے‘، ’فاصلے ایسے بھی ہوں گے‘، ’بہت نزدیک آتے جارہے ہو


ممتاز شاعر عدیمؔ ہاشمی کے منتخب اشعار بطورِ خراجِ عقیدت

غم کے ہر اک رنگ سے مجھ کو شناسا کر گیا
وہ  مرا  محسن  مجھے  پتھر  سے   ہیرا  کر گیا
Gham Ke Har Ik Rang Se Mujh Ko Shanasa Kar Gaya
Woh Mera Muhsin Mujhe Pathar Se Heera Kar Gaya

کیوں سب کی طرح بھیگ گئی ہیں تری پلکیں
ہم  نے  تو  تجھے  حال  سنایا   نہیں   اتنا
Kyun Sab Ki Tarah Bheeg Gai Hein Teri Palkein
Hum Ne Tou Tujhe Haal Sunaya Nahi Itna

فاصلے ایسے بھی ہوں گے یہ کبھی سوچا نہ تھا
سامنے  بیٹھا  تھا  میرے  اور  وہ میرا نہ تھا
Fasly Aise Bhi Hongy Yeh Kabhi Socha Na Tha
Samny Baitha Tha Mere Aur Woh Mera Na Tha

میں دریا ہوں مگر بہتا ہوں میں کہسار کی جانب
مجھے  دنیا  کی  پستی  میں  اتر  جانا نہیں  آتا
Main Darya Hoon Magar Behta Hoon Main Kuhsar Ki Janib
Mujhe Dunya Ki Pasty Mein Utar Jana Nahi Aata

جس راہ پر پڑے تھے ترے پاؤں کے نشاں
اس  راہ  سے  کسی  کو  گزرنے   نہیں  دیا
Jis Raah Par Paday Thay Tere Pavoun Ke Nishan
Us Raah Se Kisi Ko Guzarne Nahi Diya

جب بیاں کرو گے تم ہم بیاں میں نکلیں گے
ہم ہی داستاں بن  کر داستاں میں نکلیں گے
Jab Bayan Karogy Tum Hum Bayan Mein Nikleingy
Hum Hi Dastan Ban Kar Dastan Mein Nikleingy

 
درد ہوتے ہیں کئی دل میں چھپانے کے لیے
سب کے سب آنسو نہیں ہوتے بہانے کے لیے
Dard Hoty Hein Dil Mein Chupany Ke Liye
Sab Ke Sab Aansoo Nahi Hoty Bahany Ke Liye

 
قصۂ  سخن  گوئی  جب  عدیمؔ  آئے  گا
ہم بھی واقعہ بن کر داستاں میں نکلیں گے
Qissa e Sukhan Goyi Jab Adeem Aaeiga
Hum Bhi Waqia Ban Kar Dastan Mein Nikleingy

 
ہر کوئی  پارسائی  کی  عمدہ  مثال  تھا
دل خوش ہوا ہے ایک گنہ گار دیکھ کر
Har Koi Paarsaayi Ki Umda Misal Tha
Dil Khush Hoa Hai Aik Gunahgar Daikh Kar

 
ستونِ  ریگ  نہ ٹھہرا عدیمؔ چھت کے تلے
میں ڈھ گیا ہوں خود اپنے کو آسرا دے کر
Satoon e Reg Na Thehra Adeem Chat Ke Taly
Main Dhe Gaya Hoon Khud Apne Ko Aasra Dy Kar

 
شامل تھا یہ ستم بھی کسی کے نصاب میں
تتلی   ملی   حنوط   پرانی   کتاب   میں
Shamil Tha Yeh Sitam Bhi Kisi Ke Nisab Mein
Titly Mili Hunoot Purani Kitab Mein

 
کیوں مرے لب پہ وفاؤں کا سوال آ جائے
عین ممکن ہے اسے خود ہی خیال آ  جائے
Kyun Mere Lab Peh Wafaoun Ka Sawal Aa Jaye
Ain Mumkin Hai Usay Khud Hi Khayal Aa Jaye

 
بیٹھا رہا ہمائے ستم سر پہ ہی عدیمؔ
ہر دشتِ کرب کی ہمیں سلطانیاں ملیں
Baitha Raha Huma e Sitam Sar Peh Hi Adeem
Har Dasht e Karab Ki Humain Sultanian Milein

 
مرے قریب سے گزرا نہیں ہے سنگ تراش
مجسمہ ہوں میں اب تک مگر چٹان میں  ہوں
Mere Qareeb Se Guzra Nahi Hai Sangtarash
Mujasima Hoon Main Ab Tak Magar Chatan Mein Hoon

بڑا ویران موسم ہے  کبھی ملنے چلے آؤ
ہر اک جانب ترا غم ہے کبھی ملنے چلے آؤ
Bada Weeran Mousam Hai Kabhi Milny Chaly Aao
Har Ik Janib Tera Gham Hai Kabhi Milny Chaly Aao

 
لوٹ کر آئے نہ کیوں جاتے ہوئے لمحے عدیمؔ
کیا  کمی  میری  صدائے  بے  اثر میں  رہ  گئی
Laot Kar Aaye Na Kyun Jate Hoe Lamhe Adeem
Kia Kami Meri Sada e Beasar Mein Reh Gai

 
سرِ  صحرا  مسافر  کو  ستارہ  یاد   رہتا  ہے
میں چلتا ہوں مجھے چہرہ تمہارا یاد رہتا ہے
Sar e Sahra Musafir Ko Sitara Yaad Rehta Hai
Main Chalta Hoon Mujhe Chehra Tumhara Yaad Rehta Hai

 
دائیں رخسار پہ آتش کی چمک وجہ جمال
بائیں رخسار کی آغوش میں خال اچھا ہے
Daein Rukhsar Peh Aatish Ki Chamak Waja Jamal
Baein Rukhsar Ki Aaghosh Mein Khaal Acha Hai

 
جو مہ و سال گزارے ہیں بچھڑ کر ہم نے
وہ مہ و سال اگر  ساتھ  گزارے ہوتے
Jo Maah o Saal Guzre Hein Bichad Kar Hum Ne
Woh Maah o Saal Agar Saath Guzare Hoty

 
تیرے لیے چلے تھے ہم تیرے لیے ٹھہر گئے
تو  نے  کہا  تو جی اٹھے تو نے کہا تو  مر گئے
Tere Liye Chaly Thay Hum Tere Liye Thehar Gaye
Tu Ne Kaha Tou Jee Uthay Tu Ne Kaha Tou Mar Gaye

 
عدیمؔ  بیٹھا  ہوا  ہوں  پروں   کے  ڈھیر  پہ  میں
خوش اس طرح ہوں کہ جیسے کسی اڑان میں ہوں
Adeem Baitha Hoa Hon Paron Ke Dher Peh Main
Khush Is Tarah  Hoon Keh Jaise Kisi Udan Mein Hoon

 
عدیمؔ ہاشمی
Adeem Hashmy