Hamaisha Ik Dosre Ke Haq Mein Dua Kareingy Yeh Tay Hoa Tha Milein Keh Bichdein Magar Tuhi Se Wafa Kareingy Yeh Tay Hoa Tha

ہمیشہ اک دوسرے کے حق میں دعا کریں گے، یہ طے ہُوا تھا
ملیں کہ بچھڑیں مگر تمہی سے وفا کریں گے یہ طے ہو تھا
Hamaisha Ik Dosre Ke Haq Mein Dua Kareingy Yeh Tay Hoa Tha
Milein Keh Bichdein Magar Tuhi Se Wafa Kareingy Yeh Tay Hoa Tha
کہِیں رہو تم کہِیں رہیں ہم مگر محبت رہے گی قائم
جو یہ خطا ہے تو عمر بھر یہ خطا کریں گے، یہ طے ہوا تھا

اداسیاں ہر گھڑی ہوں لیکن، حیات کانٹوں بھری ہو لیکن
خطوط پھولوں کی پتیوں پر لکھا کریں گے یہ طے ہوا تھا

جہاں مقدر ملائے گا اب، وہاں ملیں گے، یہ شرط کیسی
جہاں ملے تھے، وہِیں ہمیشہ ملا کریں گے، یہ طے ہوا تھا

لپٹ کے رو لیں گے جب ملیں گے، غم اپنا اپنا بیاں کریں گے
مگر زمانے سے مسکرا کر ملا کریں گے یہ طے ہوا تھا

کسی کے آنچل میں کھو گئے تم بتاؤ کیوں دور ہو گئے تم
کہ جان دے کر بھی حق وفا کا ادا کریں گے، یہ طے ہوا تھا
شبینہ ادیب کانپوری
Shabeena Adeeb Kanpori