Kis Liye Ab Udas Baithi Ho Jab Woh Ik Shakhs Dastras Mein Tha
ﮐﺲ ﻟیے ﺍﺏ ﺍﺩﺍﺱ ﺑﯿﭩﮭﯽ ﮨﻮ
ﺟﺐ ﻭﮦ ﺍِﮎ ﺷﺨﺺ ﺩﺳﺘﺮﺱ ﻣﯿﮟ ﺗﮭﺎ
Kis Liye Ab Udas Baithi Ho
Jab Woh Ik Shakhs Dastras Mein Tha
ﺍﺱ ﺳﮯ ﻣﻠﻨﺎ ﺗﻤﮩﺎﺭﮮ ﺑﺲ ﻣﯿﮟ ﺗﮭﺎ
ﺍﺱ ﮐﯽ ﺁﻧﮑﮭﯿﮟ ﺗﻤﮩﺎﺭﯼ ﺁﻧﮑﮭﯿﮟ ﺗﮭﯿﮟ
ﺍﺱ ﮐﯽ ﺑﺎﺗﯿﮟ ﺗﻤﮩﺎﺭﯼ ﺑﺎﺗﯿﮟ ﺗﮭﯿﮟ
ﺍﺱ ﮐﺎ ﭼﮩﺮﮦ ﺗﻤﮩﺎﺭﺍ ﭼﮩﺮﮦ ﺗﮭﺎ
ﺍﺱ ﮐﮯ ﺩﻝ ﭘﺮ ﺗﻤﮩﺎﺭﺍ ﭘﮩﺮﮦ ﺗﮭﺎ
ﺍﺱ ﮐﯽ ﮨﺮ ﺳﺎﻧﺲ ﻣﯿﮟ ﺑﺴﯽ ﺗﮭﯽ ﺗﻢ
ﺍﺱ ﮐﮯ ﺳﭙﻨﻮﮞ ﻣﯿﮟ ﺑﮭﯽ ﺭﭼﯽ ﺗﮭﯽ ﺗﻢ
ﺍﺱ ﮐﯽ ﻧﯿﻨﺪﻭﮞ ﻣﯿﮟ ﺟﺎﮔﺘﯽ ﺗﮭﯽ ﺗﻢ
ﻭﮦ ﺟﻮ ﮐﮩﺘﺎ ﺗﮭﺎ، ﺑیقرارﯼ ﮨﮯ
ﻣﯿﺮﯼ ﺳﺎﺭﯼ ﻭﻓﺎ ﺗﻤﮩﺎﺭﯼ ﮨﮯ
ﺻﺮﻑ ﺗﻢ ﺳﮯ ﻣﺠﮭﮯ ﻣﺤﺒﺖ ﮨﮯ
ﺻﺮﻑ ﺗﻢ ﺳﮯ ﻣﯿﺮﯼ ﺣﻘﯿﻘﺖ ﮨﮯ
ﮐﺘﻨﯽ ﺑﺎﺗﯿﮟ ﻣﯿﮟ ﮐﮩﮧ ﻧﮩﯿﮟ ﺳﮑﺘﺎ
ﺩﻭﺭ ﺗﻢ ﺳﮯ ﻣﯿﮟ ﺭﮦ ﻧﮩﯿﮟ ﺳﮑﺘﺎ
ﺗﺐ ﺗﻢ ﺍﺱ ﮐﮯ ﮨﺮ ﺍﯾﮏ ﺟﻤﻠﮯ ﮐﻮ
ﺗﺐ ﺗﻢ ﺍﺱ ﮐﮯ ﮨﺮ ﺍﯾﮏ ﺟﺬﺑﮯ ﮐﻮ
ﺍِﮎ ﮨﻨﺴﯽ ﻣﯿﮟ ﺍﮌﺍﯾﺎ ﮐﺮﺗﯽ ﺗﮭیں
ﺳﻦ ﮐﮯ ﺗﻢ ﺑﮭﻮﻝ ﺟﺎﯾﺎ ﮐﺮﺗﯽ ﺗﮭیں
ﺍس ﮐﯽ ﺁﻧﮑﮭﻮﮞ ﮐﻮ ﺩﯾﮑﮭﺘﯽ ﺗﮭیں ﺟﺐ ﻭﮦ
ﺑﮯ ﻧﯿﺎﺯﯼ ﮐﮯ ﺩﺭﺩ ﺳﮩﺘﺎ ﺗﮭﺎ
ﺑﮭﻮﻝ ﺟﺎﻧﺎ ﺗﻤﮩﺎﺭﯼ ﻋﺎﺩﺕ ﺗﮭﯽ
ﭘﮭﺮ ﺑﮭﯽ ﮐﺘﻨﺎ ﻣﻠﻮﻝ ﺭﮨﺘﺎ ﺗﮭﺎ
ﺍﭘﻨﯽ ﺗﻨﮩﺎﺋﯽ ﮐﮯ ﮔﻠﮯ ﻟﮓ ﮐﺮ
ﺳﺎﺭﮮ ﺁﻧﺴﻮ ﻭﮦ ﺭﻭ ﮔﯿﺎ ﺍﮎ ﺩﻥ
ﺍﯾﮏ ﭘﺘﮭﺮ ﺳﮯ ﺩﻝ ﻟﮕﯽ ﮐﺮ ﮐﮯ
ﺧﻮﺩ ﺑﮭﯽ ﭘﺘﮭﺮ ﮐﺎ ﮨﻮ ﮔﯿﺎ ﺍﮎ ﺩﻥ
ﺍﺏ ﻭﮦ ﺗﻢ ﺳﮯ ﺗﻮ ﮐﭽﮫ ﻧﮩﯿﮟ ﮐﮩﺘﺎ
ﺑﮯ ﻧﯿﺎﺯﯼ ﮐﮯ ﺩﮐﮫ ﻧﮩﯿﮟ ﺳﮩﺘﺎ
ﺍﺱ ﮐﯽ ﺁﻧﮑﮭﯿﮟ ﺍﺏ ﺍﺱ ﮐﯽ ﺁﻧﮑﮭﯿﮟ ﮨﯿﮟ
ﺍﺱ ﮐﯽ ﺑﺎﺗﯿﮟ ﺍﺏ ﺍﺱ ﮐﯽ ﺑﺎﺗﯿﮟ ﮨﯿﮟ
ﺑﮭﻮﻝ ﺟﺎﻧﺎ ﺗﻤﮩﺎﺭﯼ ﻋﺎﺩﺕ ﮨﮯ
ﺍﺱ ﮐﯽ ﺑﺎﺗﻮﮞ ﮐﻮ ﺑﮭﻮﻝ ﺟﺎﺅ ﻧﺎ
ﺍﺏ ﻭﮦ ﺍِﮎ ﺷﺨﺺ ﺩﺳﺘﺮﺱ ﻣﯿﮟ ﻧﮩﯿﮟ
ﺍﺱ ﺳﮯ ﻣﻠﻨﺎ ﺗﻤﮩﺎﺭﮮ ﺑﺲ ﻣﯿﮟ ﻧﮩﯿﮟ
ﮐﺲ ﻟﯿﮯ ﭘﮭﺮ ﺍﺩﺍﺱ ﺑﯿﭩﮭﯽ ﮨﻮ
Comments
Post a Comment