ahl-e-mahfil pe kab ahwal khula hai apna main bhi khamosh raha us ne bhi pursish nahin ki
ahl-e-mahfil pe kab ahwal khula hai apna
main bhi khamosh raha us ne bhi pursish nahin ki
ye bhi kya kam hai ki donon ka bharam qaem hai
us ne bakhshish nahin ki hum ne guzarish nahin ki
ek to hum ko adab aadab ne pyasa rakkha
us pe mahfil mein surahi ne bhi gardish nahin ki
wo hamein bhul gaya ho to ajab kya hai 'faraaz'
hum ne bhi mel-mulaqat ki koshish nahin ki
Comments
Post a Comment