Buhat Pehle Se Unki Aahat Jan Laitay Hein Tujhe Ae Zindagi Hum Door Se Pehchan Laity Hein

بہت پہلے سے ان قدموں کی آہٹ جان لیتے ہیں
تجھے اے زندگی ہم دور سے پہچان لیتے ہیی
Buhat Pehle Se Unki Aahat Jan Laitay Hein
Tujhe Ae Zindagi Hum Door Se Pehchan Laity Hein
طبیعت اپنی گھبراتی ہے جب سنسان راتوں میں
ہم ایسے میں تری یادوں کی چادر تان لیتے ہیں
خود اپنا فیصلہ بھی عشق میں کافی نہیں ہوتا
اسے بھی کیسے کر گزریں جو دل میں ٹھان لیتے ہیں
تجھے گھاٹا نہ ہونے دیں گے کاروبار الفت میں
ہم اپنے سر ترا اے دوست، ہر احسان لیتے ہیں
رفیق زندگی تھی اب انیس وقت آخر ہے
ترا اے موت، ہم یہ دوسرا احسان لیتے ہیں
زمانہ واردات قلب سننے کو ترستا ہے
اسی سے تو سر آنکھوں پر مرا دیوان لیتے ہیں
فراقؔ اکثر بدل کر بھیس ملتا ہے کوئی کافر
کبھی ہم جان لیتے ہیں، کبھی پہچان لیتے ہیں
فراقؔ گورکھپوری
Firaq Gorakhpori