Yeh Kia Keh Ik Jahan Ko Karo Waqaf Izterab Yeh Kia Keh Aik Dil Ko Shakeeba Na Kar Sako

یہ کیا کہ اک جہاں کو کرو وقف اضطراب
یہ کیا کہ ایک دل کو شکیبا نہ کر سکو
Yeh Kia Keh Ik Jahan Ko Karo Waqaf Izterab
Yeh Kia Keh Aik Dil Ko Shakeeba Na Kar Sako
ایسا نہ ہو یہ درد بنے درد لا دوا
ایسا نہ ہو کہ تم بھی مداوا نہ کر سکو
شاید تمہیں بھی چین نہ آئے مرے بغیر
شاید یہ بات تم بھی گوارا نہ کر سکو
کیا جانے پھر ستم بھی میسر ہو یا نہ ہو
کیا جانے یہ کرم بھی کرو یا نہ کر سکو
اللہ کرے جہاں کو مری یاد بھول جائے
اللہ کرے کہ تم کبھی ایسا نہ کر سکو
میرے سوا کسی کی نہ ہو تم کو جستجو
میرے سوا کسی کی تمنا نہ کر سکو
صوفی غلام مصطفیٰ تبسم
Sofi Ghulam Mustafa Tabassum