Badan ki sarzameen par to hukmran aur hai Magar jo dil mein bas raha hai mehrban, aur hai

بدن کی سرزمین پر تو حکمران اور ہے
مگر جو دل میں بس رہا ہے مہربان، اور ہے
Badan ki sarzameen par to hukmran aur hai
Magar jo dil mein bas raha hai mehrban, aur hai

 
جو مُجھ سے منسلک ہُوئیں کہانیاں، کُچھ اور تھیں
جو دِل کو پیش آئی ہے وہ داستان اور ہے
Jo mujh se munsalik huyeen kahaniyan, kuch aur theen
Jo dil ko pesh aiy hai wo dastan aur hai

 
یہ مرحلہ تو سہل تھا محبتوں میں وصل کا
ابھی تمہیں خبر نہیں کہ امتحان اور ہے
Ye marhala to sehl tha muhabbaton mein wasl ka
Abhi tumhen khabar nahi ke imtihan aur hai

 
وہ دن کدھر گئے مِرے، وہ رات کیا ہوئی مِری
یہ سرزمیں نہیں ہے وہ یہ آسمان اور ہے
Wo din kidhar gaye mere, wo rat kia hui meri
Ye sarzameen nahi hai wo, ye asman aur hai

 
وہ جس کو دیکھتے ہو تم ضرورتوں کی بات ہے
جو شاعری میں ہے کہیں، وہ خُوش بیان اور ہے
Wo jis ko dekhte ho tum zaruraton ki bat hai
Jo sha’iri mein hai kahin, wo khush bayan aur hai

 
جو سائے کی طرح سے ہے، وہ سایہ دار بھی تو ہے
مگر ہمیں ملا ہے جو وہ سائبان اور ہے
Jo saae ki tarah se hai, wo saya daar bhi to hai
Magar humen mila hia jo wo sayeban aur hai

 
نوشی گیلانی
Noshi Gilani