Jo bure bhale ki atkal na mera sha’ar hota Na jaza e khair pata na gunahgar hota

جو بھلے برے کی اٹکل نہ مرا شعار ہوتا
نہ جزائے خیر پاتا نہ گناہگار ہوتا
Jo bure bhale ki atkal na mera sha’ar hota
Na jaza e khair pata na gunahgar hota

 
مئے بیخودی کا ساقی مجھے ایک جرعہ بس تھا
نہ کبھی نشہ اترتا نہ کبھی خمار ہوتا
Mai e bekhudi ka saqi mujhe aik jur’a bas tha
Na kabhi nasha uterta, na kabhi khumar hota

 
میں کبھی کا مر بھی رہتا، نہ غم فراق سہتا
اگر اپنی زندگی پر مجھے اختیار ہوتا
Main kabhi ka mar bhi rehta, na gham e firaq sehta
Agar apni zindagi par mujhe ikhtiyar hota

 
یہ جو عشق جاں ستاں ہے، یہ جو بحر بیکراں ہے
نہ سنا کوئی سفینہ کبھی اس سے پار ہوتا
Ye jo ishq e jan satan hai, ye jo behr e bekaran hai
Na suna koi safeena kabhi is se paar hota

کبھی بھول کر کسی سے نہ کرو سلوک ایسا
کہ جو کوئی تم سے کرتا تمہیں ناگوار ہوتا
Kabhi bhool kar kisi se na karo sukook aisa
Ke jo koi tum se karta, tumhen nagawar hota

ہے اس انجمن میں یکساں عدم و وجود میرا
کہ جو میں یہاں نہ ہوتا یہی کاروبار ہوتا
Hai is anjuman mein yaksan adam o wujood mera
Ke jo main yahan na hota yehi karobar hota

 
اسمٰعیل میرٹھی
Ismail Merthi