Saz e furqat pe ghazal gao ke kuch rat kate Pyar ki rasm ko chamkao ke kuch rat kate
ساز فرقت پہ غزل گاؤ کہ کچھ رات کٹے
پیار کی رسم کو چمکاؤ کہ کچھ رات کٹے
Saz e furqat pe ghazal gao ke kuch rat kate
Pyar ki rasm ko chamkao ke kuch rat kate
جب یہ طے ہے کہ غم عشق بہت کافی ہے
غم کا مفہوم ہی سمجھاؤ کہ کچھ رات کٹے
Jab ye tai hai ke gham e ishq bohat kafi hai
Gham ka mafhoom hi samjhao ke kuch rat kate
صبح کے ساتھ ہی ہم خود بھی بکھر جائیں گے
دو گھڑی اور ٹھہر جاؤ کہ کچھ رات کٹے
Subh ke sath hi hum khud bhi bikhhar jayen ge
Do ghhari aur thehr jao ke kuch rat kate
دامن درد پہ بکھرے ہوئے آنسو کی طرح
میری پلکوں پہ بھی لہراؤ کہ کچھ رات کٹے
Daman e dard pe bikhhre huay ansu ki tarah
Meri palkon pe bhi lehrao ke kuch rat kate
ذکر گلزار سہی قصۂ دلدار سہی
زخم کے پھول ہی مہکاؤ کہ کچھ رات کٹے
Zikr e gulzar sahi qissa e dildar sahi
Zakhm ke phool hi mehkao ke kuch rat kate
ایک ایک درد کے سینے میں اتر کر دیکھو
ایک ایک سانس میں لہراؤ کہ کچھ رات کٹے
Aik aik dard ke seene mein uter kar dekho
Aik aik sans mein lehrao ke kuch rat kate
دل کی وادی میں ہے تاریک گھٹاؤں کا ہجوم
چاندنی بن کے نکھر جاؤ کہ کچھ رات کٹے
Dil ki wadi mein hai tareek ghhataon ka hujoom
Chandni ban ke nikhher jao ke kuch rat kate
فرش کرنوں کا بچھا دے گی سحر آ کے رئیسؔ
دل کے زخموں کو بھی چمکاؤ کہ کچھ رات کٹے
Farsh kirnon ka bichha de gi sehr aa ke Raees
Dil ke zakhmon ko bhi chamkao ke kuch rat kate
رئیسؔ اختر
Raees Akhter
Comments
Post a Comment