Yeh Samandar Hai Kinare Hi Kinare Jao Ishq Har Shakhs Ke Bas Ka Nahi Piyare , Jao
یہ سمندر ہے کنارے ہی کنارے جاؤ
عشق ہر شخص کے بس کا نہیں پیارے، جاؤ
Yeh Samandar Hai Kinare Hi Kinare Jao
Ishq Har Shakhs Ke Bas Ka Nahi Piyare , Jao
یوں تو مقتل میں تماشائی بہت آتے ہیں
آؤ اس وقت کہ جس وقت پکارے جاؤ
دل کی بازی لگے پھر جان کی بازی لگ جائے
عشق میں ہار کے بیٹھو نہیں ہارے جاؤ
کام بن جائے اگر زلف جنوں بن جائے
اس لیے اس کو سنوارو کہ سنوارے جاؤ
کوئی رستہ، کوئی منزل اسے دشوار نہیں
جس جگہ چاہو، محبت کے سہارے جاؤ
ہم تو مٹی سے اگائیں گے محبت کے گلاب
تم اگر توڑنے جاتے ہو ستارے جاؤ
ڈوبنا ہوگا اگر ڈوبنا تقدیر میں ہے
چاہے کشتی پہ رہو، چاہے کنارے جاؤ
تم ہی سوچو بھلا، یہ شوق کوئی شوق ہوا
آج اونچائی پہ بیٹھو کل اتارے جاؤ
موت سے کھیل کے کرتے ہو محبت عاجزؔ
مجھ کو ڈر ہے کہیں بے موت نہ مارے جاؤ
کلیم عاجزؔ
Kaleem Aajiz
Comments
Post a Comment