Koi Bhi Shakal Mere Dil Mein Utar Sakti Hai Ik Raqabat Mein Kahan Umar Guzar Sakti Hai

کوئی بھی شکل مرے دل میں اتر سکتی ہے
اک رفاقت میں کہاں عمر گزر سکتی ہے
Koi Bhi Shakal Mere Dil Mein Utar Sakti Hai
Ik Raqabat Mein Kahan Umar Guzar Sakti Hai
تجھ سے کچھ اور تعلق بھی ضروری ہے مرا
یہ محبت تو کسی وقت بھی مر سکتی ہے

میری خواہش ہے کہ پھولوں سے تجھے فتح کروں
ورنہ یہ کام تو تلوار بھی کر سکتی ہے

ہو اگر موج میں ہم جیسا کوئی اندھا فقیر
ایک سکے سے بھی تقدیر سنور سکتی ہے

صبح دم سرخ اجالا ہے کھلے پانی میں
چاند کی لاش کہیں سے بھی ابھر سکتی ہے
اظہر فراغ
Azhar Firagh