Darya Ne Kal Jo Chup Ka Lubada Pehin Lia Piyason Ne Apne Jisam Peh Sahra Pehin Lia

دریا نے کل جو چپ کا لبادہ پہن لیا
پیاسوں نے اپنے جسم پہ صحرا پہن لیا
Darya Ne Kal Jo Chup Ka Lubada Pehin Lia
Piyason Ne Apne Jisam Peh Sahra Pehin Lia
وہ ٹاٹ کی قبا تھی کہ کاغذ کا پیرہن
جیسا بھی مِل گیا ہمیں ویسا پہن لیا
فاقوں سے تنگ آئے تو پوشاک بیچ دی
عریاں ہوئے تو شب کا اندھیرا پہن لیا
گرمی لگی تو خود سے الگ ہو کے سو گئے
سردی لگی تو خود کو دوبارہ پہن لیا
بھونچال میں کفن کی ضرورت نہیں پڑی
ہر لاش نے مکا ن کا ملبہ پہن لیا
بیدل لباسِ زیست بڑا دیدہ زیب تھا
اور ہم نے اس لباس کو اُلٹا پہن لیا
بیدل حیدری
Bedal Haidari