Khuda Jane , Meri Ghary Mein Kia Hai Na Jane Kyun , Uthaye Phir Raha Hon

خُدا جانے ٫ میری گَٹھری میں کیا ھے
نہ جانے کیوں ٫ اُٹھائے پِھر رھا ھُوں۔؟
Khuda Jane , Meri Ghary Mein Kia Hai
Na Jane Kyun , Uthaye Phir Raha Hon
یہ کوئی اور ھے ٫ اے عَکسِ دَریا
میں اَپنے عَکس کو ٫ پہچانتا ھُوں۔
نہ آدم ھے ٫ نہ آدم زاد کوئی
کِن آوازوں سے ٫ سَر ٹکرا رھا ھوں
مُجھے اِس بھیڑ میں ٫ لَگتا ھے اَیسا
کہ میں خود سے ٫ بچھڑ کے رہ گیا ھُوں۔
جِسے سَمجھا نہیں ٫ شاید کِسی نے
میں اپنے عَہد کا ٫ وہ سانحہ ھُوں۔
نہ جانے کیوں ٫ یہ سانسیں چل رھی ھیں
میں اَپنی زِندگی تو ٫ جی چکا ھُوں۔
جہاں موجِ حَوادث چاھے لے جائے
خُدا ھُوں میں ٫ نہ کوئی ناخُدا ھُوں۔
جُنوں کیسا ٫ کہاں کا عِشق ٫ صاحب
میں ٫ اَپنے آپ ھی میں ٫ مُبتلا ھُوں۔
نہیں کچھ دوش ٫ اِس میں آسماں کا
میں خُود ھی ٫ اَپنی نَظروں سے گِرا ھُوں۔
طَرارے بَھر رھا ھے ٫ وقت یا َرب
کہ میں ھی چَلتے چَلتے ٫ رُک گیا ھُوں۔
وہ پہروں آئینہ ٫ کیوں دیکھتا ھے؟
مَگر یہ بات ٫ میں کیوں سوچتا ھُوں۔
اگر یہ مَحفلِ بِنت عَنب ھے
تو میں ٫ ایسا کہاں کا پارسا ھُوں۔
غم اَندیشہ ھائے ٫ زِندگی کیا
تپش سے آگہی کی ٫ جَل رَھا ھُوں۔
اَبھی یہ بھی ٫ کہاں جانا کہ رَساؔ
میں کیا ھُوں ٫ کون ھُوں ٫ کیا کر رھا ھُوں۔
رَسا چُغتائی
Rasa Chuatai