Koi mujh ko mera bharpur sarapa la de Mere bazu, meri ankhen, mera chehra la de

کوئی مجھ کو مرا بھر پور سراپا لا دے
مرے بازو، مری آنکھیں، مرا چہرہ لا دے
Koi mujh ko mera bharpur sarapa la de
Mere bazu, meri ankhen, mera chehra la de

ایسا دریا جو کسی اور سمندر میں گرے
اس سے بہتر ہے کہ مجھ کو مرا صحرا لا دے
Aisa dariya jo kisi aur samundar mein gire
Us se behtar hai ke mujh ko mera sehra la de

کچھ نہیں چاہیے تجھ سے اے مری عمرِ رواں
مرا بچپن، مرے جگنو مری گڑیا لا دے
Kuch nahi chahiye tujh se ay meri umr e ravan
Mera bachpan, mere jugnu meri guriya la de

جس کی آنکھیں مجھے اندر سے بھی پڑھ سکتی ہوں
کوئی چہرہ تو مرے شہر میں ایسا لا دے
Jis ki ankhen mujhe andar se bhi parh sakti hon
Koi chehra to mere shehr mein aisa la de

کشتئ جاں تو بھنور میں ہے کئی برسوں سے
اے خدا اب تو ڈبو دے یا کنارا لا دے
Kishti e jan to bhanwer mein hai kaiy barson se
Ay Khuda ab to dubo de ya kinara la de

نوشی گیلانی
Noshi Gilani