Kuch Khuwab , Kuch Khayal Mein Mastoor Ho Gaye Tum Kia Faraib Nikly Keh Sab Door Ho Gaye

کچھ خواب، کچھ خیال میں مستور ہو گئے
تم کیا قریب نکلے کہ سب دور ہو گئے
Kuch Khuwab , Kuch Khayal Mein Mastoor Ho Gaye
Tum Kia Faraib Nikly Keh Sab Door Ho Gaye
آنکھوں کے در تھے بند تو جینا محال تھا
آنکھیں کھلیں تو اور بھی معذور ہو گئے

ایسے چھپے کہ سرمۂ چشم جہاں ہوئے
ایسے کھلے کہ برق سر طور ہو گئے

جادوگری کے راز سے نا آشنا نہ تھے
ہم تو ترے خیال سے مجبور ہو گئے

مٹی پہ آ گئی تھی ذرا دیر کو بہار
بس لوگ اتنی بات پہ مغرور ہو گئے

پتھر تو پوجے جاتے ہیں اس راہ میں جمیلؔ
تم تو ذرا سی ٹھیس لگی چور ہو گئے
عطا الرحمن جمیلؔ
Ataurehman Jameel