Yun bazahir to pas-e-pusht na daaloge humein Jaante hain bari izzat se nikaaloge humein

یوں بظاہر تو پسِ پُشت نہ ڈالو گے ہمیں
Yun bazahir to pas-e-pusht na daaloge humein
جانتے ہیں بڑی عزت سے نکالو گے ہمیں
Jaante hain bari izzat se nikaaloge humein

اتنے ظالم نہ بنو کچھ تو مروّت سیکھو
Itne zalim na bano, kuch to murawwat seekho
تم پہ مرتے ہیں تو کیا مار ہی ڈالو گے ہمیں؟
Tum pe marte hain to kya maar hi daaloge humein?

ہم اسی شوق میں شاخوں پہ نکل آتے ہیں
Hum isi shauq mein shaakhon pe nikal aate hain
آپ توڑو گے تو زلفوں میں سجا لو گے ہمیں
Aap toro ge to zulfon mein saja loge humein

ہم کہاں آپ سے لڑ سکتے ہیں، توبہ توبہ
Hum kahan aap se larr sakte hain, tauba tauba
آپ تو جنبشِ ابرو سے گرا لوگے ہمیں
Aap to jumbish-e-abroo se gira loge humein

قابلِ رحم بنے پھرتے ہیں اس آس پہ ہم
Qabil-e-rehm bane phirte hain is aas pe hum
اپنے سینے سے کسی روز لگا لوگے ہمیں
Apne seene se kisi roz laga loge humein
شاعر ادریس آزاد
Poet:Idrees Azad