Hama waqt ranj o malal kia jo guzar gaya so guzar gaya Usay yad kar ke na dil dukhha, jo guzar gaya so guzar gaya

ہمہ وقت رنج و مـــلال کیا جو گزر گیا سو گزر گیا
اُسے یاد کر کے نہ دل دکھا، جو گزر گیا سو گزر گیا
Hama waqt ranj o malal kia jo guzar gaya so guzar gaya
Usay yad kar ke na dil dukhha, jo guzar gaya so guzar gaya

نہ گلہ کیا، نہ خفا ہُوئے، یونہی راستے میں جُدا ہُوئے
نہ تُو بیوفا، نہ میں بیوفا جو گزر گیاسو گزر گیا
Na gila kiya, na khafa huay younhi raaste mein juda huay
Na tu bewafa, na main bewafa, jo guzar gaya so guzar gaya

وہ غزل کی ایک کتاب تھا، وہ گلوں میں ایک گلاب تھا
ذرا دیر کا کوئی خواب تھا جو گزر گیا سو گزر گیا
Wo ghazal ki aik kitab tha, wo gulon mein aik gulab tha
Zara der ka koi khwab tha, jo guzar gaya so guzar gaya

مجھے پت جھــڑوں کی کہانیـاں نہ سُنــا سُنـا کے اُداس کر
تُو خزاں کا پھول ہے، مُسکرا، جو گزر گیا سو گزر گیا
Mujhe pat jharon ki kahaniyan na suna suna ke udas kar
Tu khizan ka phool hai, muskura, jo guzar gaya so guzar gay

وہ اُداس دھوپ سمیٹ کر کہیں وادیوں میں گزر چکا
اُسے دل مرے، تُو نہ دے صدا، جو گزر گیا سو گزر گیا
Wo udas dhoop samet kar kahin wadiyon mein guzar chuka
Usay dil mere, tu na de sadaa, jo guzar gaya so guzar gaya

یہ سفــر تو کتنا طــویل ہے، یہاں وقت کتنا قلیل ہے
کہاں لوٹ کر کوئی آئے گا، جو گزر گیا سو گزر گیا
Ye safar to kitna taveel hai, yahan waqt kitna qaleel hai
Kahan laut kar koi aye ga, jo guzar gaya so guzar gaya

وہ جفائیں تھیں یا وفائیں تھیں، یہ نہ سوچ کس کی خطائیں تھیں
وہ ترا ہے، اُس کو گلے لگا جو گزر گیا سو گزر گیا
Wo jafayen theen ya wafayen theen, ye na soch kis ki khatayen theen
Wo tera hai, us ko gale laga jo guzar gaya so guzar gaya

کوئی فرق شاہ و گدا نہیں کہ یہاں کسی کی بقا نہیں
یہ اجاڑمحلوں کی سُن صدا جو گزر گیا سو گزر گیا
Koi farq e shah o gadaa nahi ke yahan kisi ki baqa nahi
Ye ujaar mehlon ki sun sadaa, jo guzar gaya so guzar gaya

تجھے اعتبار و یقیں نہیں، نہیں دُنیا اتنی بُری نہیں
نہ ملال کر، میرے ساتھ آ، جو گزر گیا سو گزر گیا
Tujhe aitbar o yaqeen nahi nahi duniya itni buri nahi
Na malal kar, mere sath aa, jo guzar gaya so guzar gaya

بشیربدر
Bashir Badr