Mere Charagar , Tujhe Kia Khabar Jo Azab Hijar o Wisal Hai

مرے چارہ گر، تجھے کیا خبر
جو عذاب ہجر و وصال ہے
Mere Charagar , Tujhe Kia Khabar
Jo Azab Hijar o Wisal Hai
یہ دریدہ تن، یہ دریدہ من
تری چاہتوں کا کمال ہے

مجھے سانس سانس گراں لگے
یہ وجود وہم و گماں لگے
میں تلاش خود کو کروں کہاں
مری ذات خواب و خیال ہے

وہ جو چشم تر میں ٹھہر گیا
وہ ستارہ جانے کدھر گیا
نہ نشاط غم کا ہجوم اب
نہ ہی سبز یاد کی ڈال ہے

اسے فصل فصل بھی سینچ کر
ملا سایہ اور نہ ملا ثمر
یہ عجیب عشق کا پیڑ ہے
یہ عجیب شاخ نہال ہے

مرا حرف حرف اسی کا ہے
مرے خواب خواب میں وہ بسا
جو قریب رہ کے بھی دور ہے
اسے پانا کتنا محال ہے