Surme ka til bana ke rukh e lajawab mein Nuqta barha rahe ho Khuda ki kitab mein

سرمے کا تل بنا کے رخ لا جواب میں
نقطہ بڑھا رہے ہو خدا کی کتاب میں
Surme ka til bana ke rukh e lajawab mein
Nuqta barha rahe ho Khuda ki kitab mein

بنتا نہیں ہے حُسن سِتمگر شباب میں
ہوتے ہیں اِبتدا ہی سے کانٹے گُلاب میں
Banta nahi hai husn e sitamgar shabab mein
Hote hain ibtida hi se kante gulab mein

جلوے ہُوئے نہ جذب رُخِ بے نقاب میں
کرنیں سِمَٹ کے آ نہ سَکِیں آفتاب میں
Jalwe huay na jazb rukh e be niqab mein
Kirnen simat ke aa na sakeen aftab mein

بچپن میں یہ سوال، قیامت کب آئے گی
بندہ نواز آپ کے عہدِ شباب میں
Bachpan mein ye sawal, qayamat kab aye gi
Banda nawaz ap ke ehd e shabab mein

صیّاد آج میرے نَشیمن کی خیر ہو
بجلی قَفس پہ ٹُوٹتی دیکھی ہے خواب میں
Sayyad aj mere nasheman ki khair ho
Bijli qafas pe toot-ti dekhi hai khwab mein

آغازِ شوقِ دِید میں اِتنی خَطا ہُوئی
انجام پر نِگاہ نہ کی اِضطراب میں
Aghaz e shauq e deed mein itni khataa hui
Anjam par nigah na ki iztirab mein

اب چُھپ رہے ہو سامنے آ کر، خبر بھی ہے
تصوِیر کھنچ گئی نِگہِ اِنتخاب میں
Ab chhup rahe ho samne aa kar, khabar bhi hai
Tasveer khhinch gaiy nigeh e intikhab mein

کشتی کسی غرِیب کی ڈُوبی ضرُور ہے
آنسو دِکھائی دیتا ہے چشمِ حباب میں
Kishti kisi ghareeb ki doobi zarur hai
Ansu dikhhaiy deta hai chashm e hubab mein

محشر میں ایک اشکِ ندامت نے دھو دِیے
جِتنے گناہ تھے مِری فردِ حساب میں
Mehshar mein aik ashk e nadamat ne dho diye
Jitne gunah thay meri fard e hisab mein

اُس وقت تک رہے گی قیامت رُکی ہُوئی
جب تک رہے گا آپ کا چہرہ نقاب میں
Us waqt tak rahe gi qayamat ruki hui
Jab tak rahe ga ap ka chehra niqab mein

ایسے میں وہ ہوں، باغ ہو، ساقی ہو اے قمر
لگ جائیں چار چاند شَبِ ماہتاب میں
Aise mein wo hon, bagh ho, saqi ho ay Qamar
Lag jayen char chaand shab e maahtab mein

قمر جلالوی
Qamar Jalalvi