Ab tum aghosh e tasavvur mein bhi aya na karo Mujh se bikhhre huay gesu nahi dekhe jate

 

 

 اب تم آغوش تصور میں بھی آیا نہ کرو
مجھ سے بکھرے ہوئے گیسو نہیں دیکھے جاتے
سرخ آنکھوں کی قسم، کانپتی پلکوں کی قسم
تھرتھراتے ہوئے آنسو نہیں دیکھے جاتے
Ab tum aghosh e tasavvur mein bhi aya na karo
Mujh se bikhhre huay gesu nahi dekhe jate
Surkh ankhon ki qasam, kanpti palkon ki qasam
Thartharate huay ansu nahi dekhe jate
اب تم آغوش تصور میں بھی آیا نہ کرو
چھوٹ جانے دو جو دامان وفا چھوٹ گیا
کیوں یہ لغزیدہ خرامی پہ پشیماں نظری
تم نے توڑا تو نہیں، رشتۂ دل ٹوٹ گیا
Ab tum aghosh e tasavvur mein bhi aya na karo
Chhoot jane do jo damaan e wafa chhoot gaya
Kyun ye laghzeedah kharami pe pasheman nazri
Tum ne tora to nahi, rishta e dil toot gaya
اب تم آغوش تصور میں بھی آیا نہ کرو
میری آہوں سے یہ رخسار نہ کمھلا جائیں
ڈھونڈتی ہوگی تمہیں رس میں نہائی ہوئی رات
جاؤ کلیاں نہ کہیں سیج کی مرجھا جائیں
Ab tum aghosh e tasavvur mein bhi aya na karo
Meri aahon se ye rukhsar na kumhla jayen
Dhoondti ho gi tumhen ras mein nahaiy hui rat
Jao kaliyan na kahin sej ki murjha jayen
کیفی اعظمی
Kaifi Azmi