Bikhhar gaya hai jo moti, pirone wala tha Wo ho raha hai yahan jo na hone wala tha

 

 بکھر گیا ہے جو موتی پرونے والا تھا
وہ ہورہا ہے یہاں جو نہ ہونے والا تھا
Bikhhar gaya hai jo moti, pirone wala tha
Wo ho raha hai yahan jo na hone wala tha

اور اب یہ چاہتا ہوں کوئی غم بٹائے مرا
میں اپنی مٹی کبھی آپ ڈھونے والا تھا
Aur ab ye chahta hoon koi gham bataye mera
Main apni mitti kabhi ap dhone wala tha

ترے نہ آنے سے دل بھی نہیں دکھا شاید
وگرنہ کیا میں سرشام سونے والا تھا
Tere na anay se dil bhi nahi dukhha shayed
Wagarna kia main sar e sham sone wala tha

ملا نہ تھا پہ بچھڑنے کا غم نہ تھا مجھ کو
جلا نہیں تھا مگر راکھ ہونے والا تھا
Mila na tha yeh bichadny ka gham na tha mujh ko
Jala nahi tha magar rakh hone wala tha

ہزار طرح کے تھے رنج پچھلے موسم میں
پر اتنا تھا کہ کوئی ساتھ رونے والا تھا
Hazar tarah ke thay ranj pechlay mousam mein
par itna tha keh koi saath rone wala tha
جمال احسانی
Jamal Ehsani