Chiragh Samne Wale Makan Mein Bhi Na Tha Yeh Sanha Mere Waham o Guman Mein Bhi Na Tha

چراغ سامنے والے مکان میں بھی نہ تھا
یہ سانحہ مرے وہم و گمان میں بھی نہ تھا
Chiragh Samne Wale Makan Mein Bhi Na Tha
Yeh Sanha Mere Waham o Guman Mein Bhi Na Tha
جو پہلے روز سے دو آنگنوں میں تھا حائل
وہ فاصلہ تو زمین آسمان میں بھی نہ تھا

یہ غم نہیں ہے کہ ہم دونوں ایک ہو نہ سکے
یہ رنج ہے کہ _ کوئی درمیان میں بھی نہ تھا

ہوا نہ جانے کہاں لے گئی وہ تیر کہ جو
نشانے پر بھی نہ تھا اور کمان میں بھی نہ تھا

جمال پہلی شناسائی کا وہ اک لمحہ
اسےبھی یاد نہ تھا، میرے دھیان میں بھی نہ تھا
جمال احسانی
Jamal Ehsani