Ghusse mien jo nikhhra hai, us husn ka kia kehna Kuch der abhi hum se tum youn hi khafa rehna

غصے میں جو نکھرا ہے، اس حسن کا کیا کہنا
کچھ دیر ابھی ہم سے تم یوں ہی خفا ﺭہنا
Ghusse mien jo nikhhra hai, us husn ka kia kehna
Kuch der abhi hum se tum youn hi khafa rehna

اس حسن کے شعلے کی تصویر بنا لیں ہم
ان گرم نگاہوں کو سینے سے لگا لیں ہم
پل بھر اسی عالم میں اے جان ادا ﺭہنا
Is husn ke shole ki tasveer bana len hum
In garm nigahon ko seene se laga len hum
Pal bhar isi aalam mein ay jan e sada rehna

یہ دہکا ہوا چہرہ، یہ بکھری ہوئی زلفیں
یہ بڑھتی ہوئی دھڑکن، یہ چڑھتی ہوئی سانسیں
سامان قضا ہو تم، سامان قضا ﺭہنا
Ye dehka hua chehra, ye bikhhri hui zulfen
Ye barhti hui dharkan, ye charhti hui sansen
Saman e qaza ho tum, samna e qaza rehna

پہلے بھی حسیں تھیں تم لیکن یہ حقیقت ہے
وہ حسن مصیبت تھا، یہ حسن قیامت ہے
اوروں سے تو بڑھ کر ہو، خود سے بھی سوا ﺭہنا
Pehle bhi haseen theen tum lekin ye haqeeqat hai
Wo husn museebat tha, ye husn qayamat hai
Auron se to barh kar ho, khud se bhi siwa rehna

ساحر لدھیانوی
Sahir Ludhianvi