Mujhe Rang Dy , Na Suror Dy , Mere Dil Mein Khud Ko Utar Dy Mere Lafz Sare Mehik Uthein Mujhe Aisi Koi Bahar Dy

مجھے رنگ دے، نہ سرور دے، مرے دل میں خود کو اتار دے
مرے لفظ سارے مہک اٹھیں مجھے ایسی کوئی بہار دے
Mujhe Rang Dy , Na Suror Dy , Mere Dil Mein Khud Ko Utar Dy
Mere Lafz Sare Mehik Uthein Mujhe Aisi Koi Bahar Dy
مجھے دھوپ میں تو قریب کر مجھے سایہ اپنا نصیب کر
مری نکہتوں کو عروج دے، مجھے پھول جیسا وقار دے

مری بکھری حالت زار ہے، نہ تو چین ہے، نہ قرار ہے
مجھے لمس اپنا نواز کے مرے جسم و جاں کو نکھار دے

تری راہ کتنی طویل ہے، مری زیست کتنی قلیل ہے
مرا وقت تیرا اسیر ہے مجھے لمحہ لمحہ سنوار دے

مرے دل کی دنیا اداس ہے، نہ تو ہوش ہے، نہ حواس ہے
مرے دل میں آ کے ٹھہر کبھی مرے ساتھ عمر گزار دے

مری نیند مونس خواب کر مری رتجگوں کا حساب کر
مرے نام فصل گلاب کر، کبھی ایسا مجھ کو بھی پیار دے
اندرا ورما
Indra Varma