Sham hote hi usay yad kiya hai Sharmeen Dil e veeran ko abaad kiya hai Sharmeen

شام ہوتے ہی اسے یاد کیا ہے شرمین
دل ویران کو آباد کیا ہے شرمین
Sham hote hi usay yad kiya hai Sharmeen
Dil e veeran ko abaad kiya hai Sharmeen

جرم اپنے بھی مرے نام لکھے جاتا ہے
جس کی ہر بات پہ ہی صاد کیا ہے شرمین
Jurm apne bhi mere naam likhhe jata hai
Jis ki har bat pe hi saad kiya hai Sharmeen

دست غیبی کا بھی کردار نظر آتا ہے
دل رضا سے نہیں برباد کیا ہے شرمین
Dast e ghaibi ka bhi kirdar nazar ata hai
Dil raza se nahi barbad kiya hai Sharmeen

ایک ویرانہ حقیقت میں ہے، سب جانتی ہوں
شہر جو خواب میں آباد کیا ہے شرمین
Aik veerana haqeeqat mein hai, sab janti hoon
Shehr jo khwab mein abaad kiya hai Sharmeen

زندگی رنج و مصائب میں گزاری لیکن
کب بھلا شکوۂ صیاد کیا ہے شرمین
Zindagi ranj o masa’ib mein guzari lekin
Kab bhalaa shikve e sayyad kiya hai Sharmeen

میرے حصے میں ہی دکھ آئے ہیں کیسے اتنے
کب کسی شخص کو ناشاد کیا ہے شرمین
Mere hisse mein hi dukh aye hain kaise itne
Kab kisi shakhs ko nashad kiya hai Sharmeen

وہ جو احسان جتاتا تھا محبت کر کے
کشمکش سے اسے آزاد کیا ہے شرمین
Wo jo ehsan jatata tha muhabbat kar ke
Kashmakash se usay azad kiya hai Sharmeen

عائشہ شرمین
Ayesha Sharmeen