Beshak Na Mere Saath Safar Ikhteyar Kar Ae Mere Badguman , Mera Aitbar Kar

بیشک نہ میرے ساتھ سفر اختیار کر
اے میرے بدگمان، میرا اعتبار کر
Beshak Na Mere Saath Safar Ikhteyar Kar
Ae Mere Badguman , Mera Aitbar Kar
وہ خود تو تتلیوں کو لیے گھومتا رہا
اور مُجھ کو خط میں لکھتا رہا، انتظار کر

اب اُن کے قافلے تو بُہت دور جا چُکے
جِن کی طلب میں آئے تھے صحرا گزار کر

میں نے تو تیرے ہجر کا دُکھ جھیل ہی لیا
اب تُو بھی خود کو وقفِ رہِ انتظار کر

کب ہو سکی ہے ان کی سمندر سے دوستی
مٹی کے اِن گھروندوں پہ کم انحصار کر

فرصت مِلے تو دیکھ مِرے دِل کے آئینے
آنکھوں سے اپنی کاغذی پردے اُتار کر
نوشی گیلانی
Noshi Gailani