Kha Wai Ashna Da Nangyalo Khabare Nure Di Poi Sha Da Ulfat Da Lewano Khabare Nure Di
ښۀ وائې اشنا، د ننګيالو خبرې نورې دي
پوئې شه د الفت د ليونو خبرې نورې دي
Kha Wai Ashna Da Nangyalo Khabare Nure Di
Poi Sha Da Ulfat Da Lewano Khabare Nure Di
دا لږه قيصه زما د غم وه چې دې واورېده
مکړه بيړه ودرېږه يو څو خبرې نورې دي
ولې پکښې ستا هغه خواږۀ لوظونه نۀ ښکاري
نن خو دې د سترګو پښتنو خبرې نورې دي
بټ نه، د الفت لکه نينه هسې په تېښته یې
ما خو درته وې د سوځېدو خبرې نورې دي
راز د مینې زده کړه ترې، چې سوځي او ګډېږي هم
دا دي او کۀ نه؟ د سپېلنو خبرې نورې دي
پرېږده بېلوتۍ واعظه، وخت دے د بلبل او ګل
بیا به اؤرو، نن د اورېدو خبرې نورې دي
مُسک و د رقيب سره پۀ تريو تندي مې پوئي شوله
وې چې پۀ تا باندې مې پېرزو خبرې نورې دي
ګوره حمزه خلۀ پۀ خلۀ چې نۀ شې د رقيب سره
تاته دي ښکاره چې د سړو خبرې نورې دي
څه یې وې قاصده؟ وې چې ما ته ځواب ورسېد؟
وشوه، بس د تلو او نه راتلو خبرې نورې دي
ښۀ دي ستا نازونه، خو لالیه زوړ استاذ یمه
مه تېرباسه ما، د تېروېستو خبرې نورې دي
څۀ پۀ ډېرو میو چې ساقي راته راګورې نۀ
ستا د پېمانو او د لېمو خبرې نورې دي
ګوره حمزه خولۀ په خولۀ چې نه شې د رقیب سره
تا ته دي ښکاره چې د سړو خبرې نورې دي
حمزه بابا
Hamza Baba
Comments
Post a Comment