Bada Weeran Mousam Hai Kabhi Milny Chaly Aao Har Ik Janib Tera Gham Hai , Kabhi Milny Chaly Aao
بڑا ویران موسم ہے کبھی ملنے چلے آؤ
ہر اک جانب تیرا غم ہے، کبھی ملنے چلے آؤ
Bada Weeran Mousam Hai Kabhi Milny Chaly Aao
Har Ik Janib Tera Gham Hai , Kabhi Milny Chaly Aao
ہمارا د ل کسی گہری جدائی کے بھنور میں ہے
ہماری آنکھ بھی نم ہے کبھی ملنے چلے آؤ
میرے ہمراہ گرچہ دور تک لوگوں کی رونق ہے
مگر جیسے کوئی کم ہے کبھی ملنے چلے آؤ
تمہیں تو علم ہے میرے دلِ وحشی کے زخموں کو
تمہارا وصل مرہم ہے کبھی ملنے چلے آؤ
اندھیری رات کی گہری خموشی اور تنہا دل
دیئے کی لَو بھی مدھم ہے، کبھی ملنے چلے آؤ
تمہارے روٹھ کے جانے سے ہم کو ایسا لگتا ہے
مقدر ہم سے برہم ہے کبھی ملنے چلے آؤ
ہواؤں او ر پھولوں کی نئی خوشبو بتاتی ہے
تیرے آنے کا موسم ہے، کبھی ملنے چلے آؤ
عدیم ہاشمی
Adeem Hashmi

Comments
Post a Comment