Pehlo ye Shah Mein Yeh Dukhtar Jamhoor Ki Qabar Kitne Gum Gushta Fasanon Ka Pata Deti Hai

-



نورجہاں کے مزار پر
ساحر لدھیانوی
Noor Jahan Ke Mazar Par
Sahir Ludhianvi
پہلوئے شاہ میں یہ دختر جمہور کی قبر
کتنے گم گشتہ فسانوں کا پتہ دیتی ہے
Pehlo ye Shah Mein Yeh Dukhtar Jamhoor Ki Qabar
Kitne Gum Gushta Fasanon Ka Pata Deti Hai
کتنے خوں ریز حقائق سے اٹھاتی ہے نقاب
کتنی کچلی ہوئی جانوں کا پتہ دیتی ہے
کیسے مغرور شہنشاہوں کی تسکیں کے لیے
سالہا سال حسیناؤں کے بازار لگے
کیسے بہکی ہوئی نظروں کے تعیش کے لیے
سرخ محلوں میں جواں جسموں کے انبار لگے
کیسے ہر شاخ سے منہ بند مہکتی کلیاں
نوچ لی جاتی تھیں تزئین حرم کی خاطر
اور مرجھا کے بھی آزاد نہ ہو سکتی تھیں
ظل سبحان کی الفت کے بھرم کی خاطر
کیسے اک فرد کے ہونٹوں کی ذرا سی جنبش
سرد کر سکتی تھی بے لوث وفاؤں کے چراغ
لوٹ سکتی تھی دمکتے ہوئے ہاتھوں کا سہاگ
توڑ سکتی تھی مئے عشق سے لبریز ایاغ
سہمی سہمی سی فضاؤں میں یہ ویراں مرقد
اتنا خاموش ہے فریاد کناں ہو جیسے
سرد شاخوں میں ہوا چیخ رہی ہے ایسے
روح تقدیس و وفا مرثیہ خواں ہو جیسے
تو مری جان مجھے حیرت و حسرت سے نہ دیکھ
ہم میں کوئی بھی جہاں نور و جہاں گیر نہیں
تو مجھے چھوڑ کے ٹھکرا کے بھی جا سکتی ہے
تیرے ہاتھوں میں مرے ہاتھ ہیں زنجیر نہیں
ساحر لدھیانوی
Sahir Ludhianvi


Comments

Post a Comment

Popular posts from this blog

Dukh Ye Hai Mera Yousaf o Yaqoob Ke Khaliq Woh Log Bhi Bichdey Jo Bichadnay Ke Nahi Thay

-
Image
إِنَّا لِلّهِ وَإِنَّـا إِلَيْهِ رَاجِعونَ   دکھ یہ ہے مرا یوسف و یعقوب کے خالق وہ لوگ بھی بچھڑے جو بچھڑنے کے نہیں تھے اے بادِ ستم خیز تری خیر کہ تُو نے پنچھی وہ اُڑائے ہیں جو اُڑنے کے نہیں تھے Dukh Ye Hai Mera Yousaf o Yaqoob Ke Khaliq Woh Log Bhi Bichdey Jo Bichadnay Ke Nahi Thay Aey Bad e Sitam-Khaiz Teri Khair Keh Tu Ne Panchi Woh Udaye Hein Jo Udnay Ke Nahi Thay हँसा हँसा के रुलाने वाले तेरे बाद रोने पे कौन हंसाएगा Hansa hansa ke rulane wale Tere baad rone pe kaun hansayega  
Read more

Mere Tan Ke Zakham Na Gin Abhi Meri Aankh Mein Abhi Noor Hai

-
Image
میرے تن کے زخم نہ گن ابھی میری آنکھ میں ابھی نُور ہے میرے بازؤں پہ نگاہ کر جو غرور تھا وہ غرور ہے ابھی رزمگاہ کے درمیاں، ہے میرا نشان کُھلا ہُوا ابھی تازہ دم ہے میرا فرس نئے معرکوں پہ تُلا ہُوا مجھے دیکھ قبضہِ تیغ پر، ابھی میرے کف کی گرفت ہے بڑا منتقم ہے میرا لہو یہ میرے نصب کی سرشت ہے میں اسی قبیلے کا فرد ہُوں جو حریفِ سیلِ بلا رہا اُسے مرگزار کا خوف کیا جو کفن بدوش سدا رہا وہ جو دشتِ جاں کو چمن کرے یہ شرف تو میرے لہو کا ہے مجھے زندگی سے عزیز تر ہے یہ جو کھیل تیغ و گُلو کا ہے سو میرے غنیم نہ بُھول تُو کہ ستم کی شب کو زوال ہے تيرا جور و ظلم بلا سہی میرا حوصلہ بھی کمال ہے تجھے مان جوش و گُرز پر مجھے ناز زخمِ بدن پہ ہے یہی نامہ بر ہے بہار کا جو گلاب میرے کفن پہ ہے
Read more

Mujh Se Meri Umar Ka Khasara Poochtay Hein Ya'ani Log Mujh Se Tumhara Poochtay Hein

-
Image
  مُجھ سے میری عُمر کا خسارہ پوچھتے ہیں ‏یعنی لوگ مُجھ سے تمھارا پوچھتے ہیں ‏میں بتاتا ہوں اس سے اب تعلق نہیں رہا ‏اُنہیں یقین نہیں آتا دوبارہ پوچھتے ہیں Mujh Se Meri Umar Ka Khasara Poochtay Hein Ya'ani Log Mujh Se Tumhara Poochtay Hein Main Batata Hoon Us Se Ab Ta'aluq Nahi Raha Unhein Yaqeen Nahi Aata Dobara Poochtay Hein
Read more