Tishna Deen Ko Piyas Ki Shidat Na Mar Dy Ae Shakhs Mujh Ko Teri Zarorat Na Mar Dy

تشنہ دہن کو پیاس کی شدت نہ مار دے
اے شخص مجھ کو تیری ضرورت نہ مار دے
Tishna Deen Ko Piyas Ki Shidat Na Mar Dy
Ae Shakhs Mujh Ko Teri Zarorat Na Mar Dy
ہوتا ہے جس طرح سے مکافات کا عمل
تجھ کو ہمارے بعد محبت نہ مار دے

تو بیچ میں نہ آ یہ ترا مسئلہ نہیں
تیری یہ گفتگو مری ہمت نہ مار دے

ایسا نہ ہو کہ ہم نہ ملیں عمر بھر کہیں
پھر سوچ لو کہیں ہمیں فرقت نہ مار دے

کہتے ہیں لوگ صبر کا ہوتا ہے میٹھا پھل
ٹھہرو، رکو، سنو، تمہیں عجلت نہ مار دے

بس اس لیے میں تیرے برابر نہ آ سکا
میں سوچتا تھا مجھ کو یہ شہرت نہ مار دے

ہر شخص اپنا ہوتا نہیں جونؔ جان لے
تجھ کو کہیں لحاظ و مروت نہ مار دے
سید جونؔ عباس کاظمی
Sayed Joun Abas Kazmi