Yeh Inayatein Ghazab Ki Yeh Bala Ki Mehrubani Meri Khairiyat Bhi Pochi Kisi Aur Ki Zubani

یہ عنایتیں غضب کی یہ بلا کی مہربانی
میری خیریت بھی پوچھی کسی اور کی زبانی
Yeh Inayatein Ghazab Ki Yeh Bala Ki Mehrubani
Meri Khairiyat Bhi Pochi Kisi Aur Ki Zubani
نہیں مجھ سے جب تعلق تو خفا خفا سے کیوں ہیں
نہیں جب مری محبت تو یہ کیسی بد گمانی

مرا غم رلا چکا ہے تجھے بکھری زلف والے
یہ گھٹا بتا رہی ہے کہ برس چکا ہے پانی

ترا حسن سو رہا تھا، مری چھیڑ نے جگایا
وہ نگاہ میں نے ڈالی کہ سنور گئی جوانی

مری بے زبان آنکھوں سے گرے ہیں چند قطرے
وہ سمجھ سکیں تو آنسو نہ سمجھ سکیں تو پانی

ہے اگر حسیں بنانا تجھے اپنی زندگی کو
تو نذیرؔ اس جہاں کو نہ سمجھ جہان فانی
نذیرؔ بنارسی
Nazeer Banarasi