Aap Kia Janein Mujh Ko Samajhty Hein Kia Main Toh Kuch Bhi Nahi

‏آپ کیا جانیں مجھ کو سمجھتے ہیں کیا
‏میں تو کچھ بھی نہیں
Aap Kia Janein Mujh Ko Samajhty Hein Kia
Main Toh Kuch Bhi Nahi
‏اس قدر پیار ،اتنی بڑی بھیڑ کا،
‏میں رکھوں گا کہاں؟
‏اس قدر پیار رکھنے کے قابل، نہیں میرا دل ،میری جاں
‏مجھ کو اتنی محبت نہ دو دوستو
‏سوچ لو دوستو!
‏پیار اک شخص کا بھی اگر مل سکے
‏تو بڑی چیز ہے زندگی کے لیے
‏آدمی کو مگر یہ بھی ملتا نہیں، یہ بھی ملتا نہیں
‏مجھ کو اتنی محبت ملی آپ سے
‏یہ میرا حق نہیں میری تقدیر ہے
‏میں زمانے کی نظروں میں کچھ بھی نہ تھا
‏میری آنکھوں میں اب تک وہ تصویر ہے
‏اس محبت کے بدلے میں کیا نذر دوں
‏میں تو کچھ بھی نہیں
‏عزتیں شہرتیں چاہتیں الفتیں
‏کوئی بھی چیز دنیا میں رہتی نہیں
‏آج میں ہوں جہاں کل کوئی اور تھا
‏یہ بھی اک دور ہے، وہ بھی اک دور تھا
‏آج اتنی محبت نہ دو دوستو
‏کہ میرے کل کی خاطر نہ کچھ بھی رہے
‏آج کا پیار تھوڑا بچا کر رکھو
‏میرے کل کے لیے
‏کل جو گمنام ہے، کل جو سنسان ہے
‏کل جو انجان ہے، کل جو ویران ہے
‏میں تو کچھ بھی نہیں ، میں تو کچھ بھی نہیں
‏ساحر لدھیانوی
Sahir Ludhianvi