Chishm e Saqi Ki Inayat Peh Pabandi Hai In Dinon Waqt Peh , Halat Peh Pabandi Hai

چشمِ ساقی کی عنایات پہ پابندی ہے
اِن دنوں وقت پہ، حالات پہ پابندی ہے
Chishm e Saqi Ki Inayat Peh Pabandi Hai
In Dinon Waqt Peh , Halat Peh Pabandi Hai
دِل شکن ہو کے چلے آئے تیری محفل سے
تیری محفل میں تو ہر بات پہ پابندی ہے

درد اُٹھا ہے لہُو بن کے اُچھلنے کے لئیے
آج کہتے ہیں کہ جذبات پہ پابندی ہے

ہر تمنا ہے کوئی ڈُوبتا لمحہ جیسے
ساز مغموم ہیں، نَغمات پہ پابندی ہے

کہکشاں بامِ ثریّا کے تَلے سوئی ہے
چاند بے رَنگ سا ہے، رات پہ پابندی ہے

آگ سینوں میں لگی، ساغر و مینا چھلکے
کوئی کہتا تھا کہ برسات پہ پابندی ہے
ساغرصدیقی
Saghar Saddiqui