Darte Hein Chisham o Zulf o Nigah o Ada Se Hum Har Dum Panah Mangty Hein Har Bala Se Hum
ڈرتے ہیں چشم و زلف و نگاہ و ادا سے ہم
ہر دم پناہ مانگتے ہیں ہر بلا سے ہم
Darte Hein Chisham o Zulf o Nigah o Ada Se Hum
Har Dum Panah Mangty Hein Har Bala Se Hum
معشوق جائے حور ملے مے بجائے آب
محشر میں دو سوال کریں گے خدا سے ہم
گر تو کسی بہانے آ جائے وقت نزع
ظالم کریں ہزار بہانے قضا سے ہم
گو حال دل چھپاتے ہیں پر اس کو کیا کریں
آتے ہیں خود بہ خود نظر اک مبتلا سے ہم
ناچار اختیار کیا شیوۂ رقیب
کچھ بے حیائی خوب ہیں گزرے حیا سے ہم
مانگی نہ ہوگی خضر نے یوں عمر جاوداں
کیا اپنی موت مانگتے ہیں التجا سے ہم
دیکھیں تو پہلے کون مٹے اس کی راہ میں
بیٹھے ہیں شرط باندھ کے ہر نقش پا سے ہم
مجبور اپنی شیوۂ شرم و حیا سے تم
ناچار اضطراب دل مبتلا سے ہم
یہ آرزو ہے آنکھ میں سرمہ لگائیں گے
اے داغؔ خاک پائے رسول خدا سے ہم

Comments
Post a Comment