Zindagi Zulam Sahi Jabar Sahi Gham Hi Sahi Dil Ki Faryad Sahi Rooh Ka Matam Hi Sahi
زندگی ظلم سہی جبر سہی غم ہی سہی
دل کی فریاد سہی روح کا ماتم ہی سہی
Zindagi Zulam Sahi Jabar Sahi Gham Hi Sahi
Dil Ki Faryad Sahi Rooh Ka Matam Hi Sahi
ہم نے ہرحال میں جینےکی قسم کھائی ہے
اب یہی حال مقدر ہے تو شکایت کیوں ہو
ہم سلیقے سےنبھا دیں گےجودن باقی ہیں
چاہ رسوا نہ ہوئی درد بھی رسوا کیوں ہو
زندگی ظلم سہی۔۔۔۔۔
ہم کو تقدیر سے بے وجہ شکایت کیوں ہو
اسی تقدیر نے چاہت کی خوشی بھی دی تھی
آج اگرکانپتی پلکوں کودیئے ہیں آنسو
کل تھرکتے ہوئے ہونٹوں کو ہنسی بھی دی تھی
زندگی ظلم سہی۔۔۔
ہم ہیں مایوس مگر اتنے بھی مایوس نہی
اک نہ اک دن یہ تو یہ اشکوں کی لڑی ٹوٹے گی
اک نہ اک دن تو چھٹیں گے یہ غموں کے بادل
اک نہ اک دن تو اجالے کی کرن پھوٹے گی
زندگی ظلم سہی جبر سہی غم ہی سہی
دل کی فریاد سہی روح کا ماتم ہی سہی
ساحر لدھیانوی
Sahir Ludhianvi

Comments
Post a Comment