Duniya ki lambi rahon par hum youn to chalte jate hain Kuch aise loag bhi milte hain jo yad hamesha atay hain

دنیا کی لمبی راہوں پر ہم یوں تو چلتے جاتے ہیں
کچھ ایسے لوگ بھی ملتے ہیں جو یاد ہمیشہ آتے ہیں
Duniya ki lambi rahon par hum youn to chalte jate hain
Kuch aise loag bhi milte hain jo yad hamesha atay hain

وہ راہ بدلتے ہیں اپنی اور مڑ کر ہاتھ ہلاتے ہیں
لیکن وہ دلوں کو یادوں کی خوشبو بن کر مہکاتے ہیں
Wo raah badalte hain apni aur mur kar hath hilate hain
Lekin wo dilon ko yadon ki khushbu ban kar mehkate hain

ایسے ہی سفر کرتے کرتے اک شخص ملا ہم کو بھی کہیں
دنیا میں اچھے لوگ بہت لیکن اس کی سی بات نہیں
Aise hi safar karte karte ek shakhs mila hum ko bhi kahin
Duniya mein ache loag bohat lekin us ki si bat nahi

وہ دھیمے لہجے والا تھا اور دھیرے سے ہنستا تھا
جتنے بھی لوگ ملے ہم کو سچ جانو سب سے اچھا تھا
Wo dheere lehje wala tha aur dheere se hansta tha
Jitne bhi loag mile hum ko sach jano sab se acha tha

تھی لاگ نہ اس کے بولوں میں، کی بات نہ کوئی لگاوٹ کی
اس کے فقرے ٹوٹے ٹوٹے، اس کی آنکھیں کھوئی کھوئی
Thi laag na us ke bolon mein, ki bat na koi lagawat ki
Us ke fiqre toote toote, us ki ankhen khhoi khhoi

کہہ کر ہی نہ دے جو ہم چاہیں، سوچا ہی کرے بیٹھا بیٹھا
پر دیکھے ایسی نرمی سے، اک بار تو ہو جائے دھوکہ
Keh kar hi na de jo hum chahen, socha hi kare baitha baitha
Par dekhe aisi narmi se, ek baar to ho jaae dhoka

گو ساتھ ہمارا خوب رہا، اس کو نہ ہوئی پہچان بہت
گر بوجھ لے دل کی بات کبھی، ہو جاتا تھا حیران بہت
Go sath hamara khoob raha, us ko na hui pehchan bohat
Gar bojh le dil ki bat kabhi, ho jata tha hairan bohat

اور ہم اس کی حیرانی پر شرمندہ ہو کر رہ جاتے
کچھ اور ہمارا مطلب تھا، پھر دیر تلک یہ سمجھاتے
Aur hum us ki hairani par sharminda ho kar reh jate
Kuch aur hamara matlab tha, phir der talak ye samjhate

اب چہرہ اس کا اجلا ہو یا آنکھیں اس کی ہوں گہری
یا اس کے پیارے ہونٹوں کی ہر بات لگے ٹھہری ٹھہری
Ab chehra us ka ujla ho ya ankhen us ki hon gehri
Ya us ke pyare honton ki har bat lage thehri thehri

کچھ لوگ جو اچھے ہوتے ہیں اور راہوں میں مل جاتے ہیں
ہیں ان کو اپنے کام بہت، کب اپنا وقت گنواتے ہیں
Kuch loag jo ache hote hain aur rahon mein mil jate hain
Hain un ko apne kaam bohat, kab apna waqt ganwate hain

کب پیاسے پیاسے رہتے ہیں، کب جی کو روگ لگاتے ہیں
Kab piyase piyase rehte hain, kab ji ko roag lagate hain

فہمیدہ ریاض
Fehmida Riaz