Kabhi Jhooty Sahare Gham Mein Raas Aaya Nahi Karte Yeh Badal Ud Ke Aate Hein Magar Saya Nahi Karte
کبھی جھوٹے سہارے غم میں راس آیا نہیں کرتے
یہ بادل اڑ کے آتے ہیں مگر سایا نہیں کرتے
Kabhi Jhooty Sahare Gham Mein Raas Aaya Nahi Karte
Yeh Badal Ud Ke Aate Hein Magar Saya Nahi Karte
یہی کانٹے تو کچھ خوددار ہیں صحن گلستاں میں
کہ شبنم کے لیے دامن تو پھیلایا نہیں کرتے
وہ لے لیں گوشۂ دامن میں اپنے یا فلک چن لے
مری آنکھوں میں آنسو بار بار آیا نہیں کرتے
سلیقہ جن کو ہوتا ہے غم دوراں میں جینے کا
وہ یوں شیشے کو ہر پتھر سے ٹکرایا نہیں کرتے
جو قیمت جانتے ہیں گرد راہ زندگانی کی
وہ ٹھکرائی ہوئی دنیا کو ٹھکرایا نہیں کرتے
قدم مے خانہ میں رکھنا بھی کار پختہ کاراں ہے
جو پیمانہ اٹھاتے ہیں وہ تھرایا نہیں کرتے
نشورؔ اہل زمانہ بات پوچھو تو لرزتے ہیں
وہ شاعر ہیں جو حق کہنے سے کترایا نہیں کرتے
نشور واحدی
Nashor Wahidy

Comments
Post a Comment